Lampe av crocks

Minstejenta vals ut av dei lilla crocksa sine, og eg syns dei var for fine til å kaste. Eg laga difor ei lampe av dei, og syns dei vart fine 😊

Eg brukte:
Gamle crocks
Spraylakk (kobber)
Lyslenke frå Ikea.

Gjer gjerne dette før du lakker:

Bor tre hol I sålen eit stykke utpå foten (på begge) Skjær opning mellom. Her skal lyslenka inn.

Spraylakk skoa.

Pytt halve lyslenka I den eine, og resten I den andre. Fest boksen bakpå den eine skoen. Lim dei gjerne fast til kvarandre.

Ferdig😊

Reisebrev frå Takle del 1

Eg og minsten har bestemt at me skal nytte permisjonen m.a. til å  oppdage nærområdet på ny.Kvar gong me går på tur skal det vere til ein "ny" plass. Ny I hermeteikn då me no er godt kjende her, men me skal ikkje gå den same turen om att og om att. Alle turane skal vere på Takle, den vesle bygda vår.

Me byrja I dag. I dag vart det ein tur som ikkje var ny for nokon av oss. Men det var fint likevel 😊 Turen gjekk langs vegen + traktorveg, så då kunne me bruke vogna. Turen var ca 3 km lang, og der var ei løype me ofte tar. Det er ei flott løype med mykje flott å sjå. Som de ser på bileta er lokalområdet ofte det finaste området, berre ein hugsar å sjå etter. 😊

Eg såg etterpå at frå den vinkelen eg tok bilete av vogna oppe på brua, så ser det ut som han står heilt utpå kanten. Han gjer ikkje det, altså!! 😊 Han står heilt trygt 😊 Så får me sjå kvar neste tur går 😊

Gode knekkebrød

Nokre av ungane er meir glad I knekkebrød enn vanleg brød. Då vart neste oppgåve å lage heimelaga knekkebrød 

Eg syns resultatet vart bra, så då vert det spennande å sjå I morgon om ungane er einige 

Oppskrift er på www.tine.no

Spennande ostekake med berre tre ingrediensar!

Eldstejenta på 21, sende meg ein link på Facebook her ein dag. Det var link til ei japansk ostekake som skulle vere så god. Eg tok det som eit hint, og I dag prøvde eg oppskrifta.

Det sto at det tok ca ein time å lage ho, men det sto ikkje noko om storleik på form, etc. Eg måtte prøve meg fram, fot første forsøk gjekk heller dårleg. Eg skriv difor oppskrifta litt annleis her.

Varm omnen til 180 grader.

Ingrediensar:
240 g kvit kokesjokolade
6 egg
240 g philadelphiaost

Skil eggeplomme frå eggekvite. Set eggekviten I frysen ei stund (gjerne ein time). Smelt sjokolade I vannbad på ikkje alt for høg temperatur slik at det går litt sakte. Avkjøl sjokoladen (la han stå ei god stund)
Bland ost, sjokolade og eggeplommer godt saman. Bruk helst visp, men ikkje miksar. Bland I eggekviten. Røra skal vere litt seig. Gjer du dette for tidleg vert røra svært rennande.

Steik først på 180 grader I 15 min. Senk temperaturen til 150 grader og steik I 15 min til. Slå av omnen og la ho stå inni I ytterligare 15 min.

Pynt med å strø sikta melis på toppen 😊

Sy eller vaske?

For moro skuld tenkte eg å ta tida på å sy ei bukse til minsten, samanlikna med å vaske ei i vaskemaskin.  Tenk om ein oppdaga om kvelden at det ikkje er rein bukse klar til neste dag? Kva er kjappast?

Mønsteret hadde eg allereie klipt ut tidlegare. Det som skulle gjerast var å klippe ut delane frå stoffet, klippe ribb og kant til føtene. Lommene hadde eg og klar frå før. Så skulle det syast saman, lommene festast, lommene skulle kantast, og så sy pyntesaum, sy fram- og bakstykket saman, og så sy på ribb. Undervegs gjekk eg tom for undertråd, så eg måtte spole og ordne det undervegs.

Med nokre ekstra utfordringar, som det ofte vert og som bør reknast med, så brukte eg ca 56 minutt på alt saman. Altså slo eg vaskemaskina med nesten 4 min.

Eg vart nøgd med resultatet og 😊

Sterilisator og dispenser!

Nokre oppfinningar er meir gull verd enn andre. Sterilisator og dispenser er to slike oppfinningar. For oss med flaskeborn er det uunnverleg. Me har åtte flasker, vaskar dei i oppvaskmaskina, putter dei i sterilisatoren i seks minutt, og så fyller me dei med rett mengde kokt vatn før me kjøler dei kjapt ned. Så set me dei i kjøleskapet.

Når småen vaknar om natta så går me ned på kjøkkenet, varmar flaska i mikrobølgeovnen, tømmer rett mengde pulver frå dispensaren, og set oss i loftstova og gjev verdas beste gogut nattmåltidet hans  Og så kan me nyte synet av han og utsikta på fine sommarkveldar med det same 

Verdas beste brød!

Eg ynskjer at familien skal ha mest mogeleg heimelaga og kortreist mat. Eg tenkjer at det er kjekt å vite kva som er I maten me et. Det betyr ikkje at det aldri vert ein grandiosa eller liknande. Men helst heimelaga, og så må det vere kjapt og effektivt.

Nyleg fann eg ei oppskrift på eit brød som var lett å lage, det krev ingen elting,  alle likte det, og så fann eg I tillegg ein meir effektiv måte å lage det på 😉

Eg skal legge ut link til heimesida der eg fann oppskrifta, men får det ikkje til via appen, så det må eg ta seinare. Det var I alle fall på klikk.no.

Men her er oppskrifta:
125 g speltmjøl
300g kveitemjøl
Litt salt
1 pk tørrgjær
3,5 dl vatn

240 grader og til saman 40 min steketid.

Bland det saman i ein bolle. Bruk ei god sleiv. Deigen skal vere blaut. Dekk til med plast eller kjøkkenhandduk, og la det stå på disken I 12-24 timar. Set omnen på 240 grader, og set forma du vil steike brødet i, inn I omnen med ein gong. Det kan vere ei gryte med lok, ei eldfast form med lok, eller liknande. Ta brøddeigen ut på kjøkkenbenken (ha godt med mjøl under), bruk sleiv eller sleikepott til å brette deigen inn mot midten. Når omnen er varm, tar du ut forma og strør litt mjøl I botnen på forma.  Legg deigen oppi forma, ta på lok og la det steike I 30 minutt. Ta av loket og steik vidare I 10 minutt.

Voila! Og brødet er ferdig 😊

For å gjere det meir effektivt: Ta ein behaldar du kan oppbevare mjølblanding i, t.d. eit litermål med lok. Bland alt det tørre og set på lokket. Når du vil sette deigen fyller du berre på med 3,5 dl vatn, rører litt og deigen er klar😊 Kjapt og enkelt 😊

Utstilling

På Haugartun grendahus på Takle er det for tida ei flott utstilling med kunstneren Astrid Opdal. I dag var eg bortom ein tur med nesten alle borna, og minsten på to mnd vart med på si aller første kunstutstilling. Det var ei kjempefin utstilling, og eg gledar meg til å få biletet eg kjøpte heim og opp på veggen 😊

Dei litt eldre ungane har vore med på nokre utstillingar før, mellom anna var eg og to av dei avgarde for å hente flotte bileter av Unni Askeland som hadde utstilling her I fjor.

Verdens beste brød!

Eg fann ei god oppskrift på nettet på det som må vere verdas beste brød. Og så er det superenkelt å lage og.

Eg syns det er kjekt å lage mat frå grunnen av til familien, både fordi det er kjekt, men så veit eg og kva maten inneheld. På same tid må det vere kjapt og greitt å lage til.  Eg vil prøve å samle oppskrifter til god og passe sunn mat, som er kjapt å lage. Dessutan er det kanskje måtar ein kan gjere det meir effektivt på.

Dette brødet vart I alle fall populært. Og få ting er betre enn piknik med nystekt brød 😊

Blogging går i rykk og napp....

Ja, då er det lenge sidan førre blogginnlegg, noko som gjerne er heilt ok, men vil no prøve att likevel.
Det er ikkje alltid så lett å få tid til å skrive blogginnlegg, og det er no eigentleg ikkje noko som er så høgt prioritert heller. Men det er kjekt å kunne gjere det av og til, og veldig kjekt om nokon får lyst til å lese og.

Sidan sist har me fått ein liten, fantastisk gogut til, så no er me ein familie på sju. No er eg i permisjon, og resten av gjengen har ferie frå jobb, skule og barnehage, så kvardagane er travle, men utruleg kjekke.

Målet mitt er at me alle skal ha ein god kvardag. Slik vert det jo ikkje alltid, men dei aller, aller fleste dagane er heldigvis slik, så me er svært heldige.  Eg prøver å ha fokus på at maten skal vere mest mogeleg heimelaga og kortreist, og eg syns det er svært kjekt å kunne lage klede til ungane sjølv, enten ved å sy eller strikke. Så er musikk viktig, sjølv om det ikkje vert så mykje tid til det no for tida. Ikkje minst er tida saman med borna (i alle aldrar) viktig! Og tid til kvarandre.

Korleis sy ein buff med for.

Som heilt nybegynnar syns eg det var litt vanskeleg å finne gode forklaringar på korleis å lage ein buff med for. Buff i dobbelt stoff o.l var enkelt, men med ein gong det var snakk om to ulike stoff, syns eg det var litt vanskeleg. Eg syns det er kjekkast å få det beskrive heilt i detalj, slik at eg berre kan sy utan å måtte gruble så mykje først ;-)

Eg har difor laga ein lita oppskrift slik at andre utålmodige sjeler (som meg sjølv), finn ein endå enklare veg til å lage ein buff :-)

1. Lag ein mal på eit ark, gjerne vanleg papir til skrivar. Teikn eit rektangel med måla 52 x 15 cm (born. Foret er tjukt)

2. Legg malen på dei to stoffa (foret og hovudstoffet)

3. Klipp ut rektangelet. Eit tips kan vere å legge stoffa rett mot rett, for då slepp ein å snu dei etterpå.

4. Legg stoffa rett mot rett og sy den eine langsida med elastisk saum. Pass på å ta ut knappenåler etter kvart, eg knakk både ei knappenål og ei symaskinnål på denne buffen, så det er lurt å vere obs.

5. Brett stoffa ut, press saumen og legg kortsidene mot kvarandre rett mot rett. Sy saman.

6. Så kjem utfordringa og det som kan ta litt tid:
Legg rettsida av foret mot rettsida av hovedstoffet. På det første biletet under ser de at det eigentleg er fire lag med stoff, men ein skal altså sy det næraste deg saman med det som er lengst frå deg. Vonar de ser det på bilete nr. 2 under her. De må ta litt og litt, det er ikkje mogeleg å sy heile runden på ein gong. PASS PÅ Å LA NOKRE CM OVANFOR SAUMEN FOR KORTSIDA VERE ATT! Her skal ein emleg vrenge buffen gjennom denne opninga slik at han kjem med retten ut.

Om du syns dette var krøkkete forklart kan du sjå meir på syskolen

7. Vreng buffen og sy att opninga frå rettsida for hand eller maskin.

Då har du ein ferdig buff :-)

Eg byrja å sy for eit par veker sidan, og for moro skuld tok eg tida på å lage denne etter eit par tidlegare forsøk. Frå eg la malen nedpå stoffet og til han var heilt ferdig (klipt alle tråder, sydd att opninga på retta, osv.), og det tok ganske nøyaktig 20 minutt. Ein meir erfaren ville garantert ha gjort det MYKJE kjappare, og utan for, en med dobbelt stoff vil det sjølvsagt og ta kortare tid. Og desse kostar ein del å få kjøpt i butikk, så dette er enkelt og moro å sy, kjapt å sy, og ein sparar mykje pengar :-)

Lukke til :-)